Выстава з фондаў Нацыянальнага мастацкага музея Рэспублікі Беларусь. Фонды захоўваюць багаты збор твораў народнага мастацтва (каля 3000 адзінак захоўвання), якія даюць магчымасць сфарміраваць у наведвальнікаў уяўленне аб вялікай разнастайнасці і каштоўнасці традыцыйнай матэрыяльнай культуры беларусаў. Напрыканцы 2022 года ў выдавацтве “Беларусь” пабачыў свет альбом Народнае мастацтва беларусі XVI – XXI ст. (кераміка, мастацкія тканіны, разьба і роспіс па дрэву, саломапляценне і інкрустацыя).
Прадстаўленыя на выставе творы могуць пазнаёміць наведвальнікаў з асаблівасцямі традыцыйнага беларускага строя, узорыстым ткацтвам і вышыўкай, ганчарствам, разьбой па дрэве, пляценнем з саломы і іншых прыродных матэрыялаў, якія бытавалі на тэрыторыі Беларусі з канца ХІХ і на працягу ўсяго ХХ стагоддзя.
