З 23 снежня ў Мастацкім пачынае працаваць выстава Тамары і Уладзіміра Васюкоў “Творцы”.
Тандэм Тамары Іванаўны і Уладзіміра Уладзіміравіча – адзін з найбольш вядомых творчых дуэтаў у асяроддзі сучасных беларускіх мастакоў і педагогаў, што адзначае сёлета сваё 50-годдзе.
Шматгадовае ўзаемапранікненне і сувязь разнастайных форм, прыёмаў і тэхнік аднаго з найстаражытных відаў мастацтва – керамікі, якім валодае Тамара Іванаўна, і па па-філасофску вытанчанай духоўнасці сюжэтаў аркушаў арыгінальнай графікі Уладзіміра Уладзіміравіча спрыялі з’яўленню ўнікальных твораў, якія знаёмяць гледача з адзіным гарманічным асяроддзем, напоўненым пачуццём цеплыні і кахання творчага і сямейнага саюза стваральнікаў.
