26 жніўня ў Нацыянальным мастацкім музеі Рэспублікі Беларусь адбылося дзіцячае свята "Мастацкі клас".
У гэты дзень у музеі прайшлі папулярныя дзіцячыя праграмы – "Арт-лабараторыя", "Гульня ў нацюрморт”, "Усё самае цікавае пра фарфор", а таксама інклюзіўны майстар-клас па вырабе паштовак з паперы ручнога ліцця ад арт-школы "Вышэй за дах" і майстар-клас па скетчынгу ад "АРТ-тэрыторыі".
У рамках мерапрыемства прайшла зборная экскурсія з сурдаперакладам для дарослых і дзяцей са слабым слыхам і зборная экскурсія "Міфы Старажытнай Грэцыі і Рыма" для падлеткаў. Для дарослых мы правялі лекцыю "Як размаўляць з дзецьмі пра мастацтва", на якой расказалі, як бацькам, наведваючы мастацкія музеі, адчуваць сябе больш упэўнена. Завяршыў праграму "Мастацкага класа" інтэрактыўны квэст па залах музея з удзелам навучэнцаў Сярэдняй школы №1 в. Копішча.
