Ноч музеяў 2024. Траекторыя святла – 85

«Ноч музеяў» – падзея, якую наведвальнікі чакаюць цэлы год, яна ахутана таямніцай і асаблівым чараўніцтвам, бо ў гэты час музей паўстае перад сваім гледачом зусім у іншым амплуа. У гэтым годзе мы вырашылі дадаць святла ў начное жыццё Мастацкага.

У юбілейны для нас год акцыя пройдзе пад назвай “Траекторыя святла – 85”. На працягу 85 гадоў музей выбудоўвае для сваіх наведвальнікаў унікальны маршрут у свет мастацтва, з'яўляючыся крыніцай натхнення і святла. 

Мы запрашаем і вас стаць часткай нашай захапляльнай траекторыі 18 мая з 18:00 да 02:00 (праграму прадставім зусім хутка). 

Генеральным партнёрам акцыі сёлета выступае плацёжная сістэма Белкарт. 

Старт продажу білетаў на мерапрыемства пачнецца 12 мая. Набыць іх можна ў касе і анлайн на сайце музея. Кошт наведвання ў “Ноч музеяў” складзе 15 рублёў для дарослых, 7 рублёў – для навучэнцаў, для ўладальнікаў карты госця НММ – бясплатна. 

Да сустрэчы!