26 снежня ў музеі "Дом Ваньковічаў", адбылася святочная вечарына для дзяцей, якія знаходзяцца на лячэнні ў АБА "Беларускі дзіцячы хоспіс"

З надыходзячым Новым годам дзяцей павіншавала дырэктар мінскай філіі РУП «Белпошта» Жанна Васільеўна Шабека. Дзед Мароз уручыў усім памятныя падарункі.

У час мерапрыемства для дзяцей былі арганізаваны аглядная экскурсія па музеі, дзе яны пазнаёміліся з традыцыямі святкавання Раства ў шляхецкай сядзібе XIX стагоддзя і майстар-клас па вырабе навагодняй ёлачнай цацкі з прыродных матэрыялаў.

Сустрэча падарыла ўсім прысутным чароўны навагодні настрой і дазволіла пагрузіцца ў цёплую дамашнюю атмасферу.