Дабрачынная акцыя “Свет музыкі для дзяцей”

Удзельнікамі мерапрыемства сталі дзеці з сацыяльна-педагагічнага цэнтра з прытулкам Заводскага раёна г. Мінска.

Падчас мерапрыемства для дзяцей былі арганізаваны аглядная экскурсія па музеі, а таксама музычная праграма з удзелам хору студэнтаў Беларускай акадэміі музыкі пад кіраўніцтвам Бадзякі Інэсы Міхайлаўны і выхаванкі музычнай школы №1 Дар'і Стэльмах (клас скрыпкі). У праграме прагучалі духоўныя і класічныя творы.

Сустрэча падаравала ўсім прысутным пазітыўны настрой і дазволіла пагрузіцца ў цёплую дамашнюю атмасферу.