20 мая ў музеі прайшла акцыя “Чароўная ноч у Ваньковічаў”, прысвечаная Міжнароднаму дню музеяў.
Падчас мерапрыемства наведвальнікі пазнаёміліся з радаводам Ваньковічаў і склалі сваё сямейнае дрэва, прынялі ўдзел у тэатральнай замалёўцы “Бяседа пад гарбату”, “Музычным вечары”, уроку рэверанса, сюжэтна-гульнёвай праграме “Мова веера”, зрабілі аўтарскую паштоўку-выцінанку, герб вядомай шляхецкай сям’і і ўпрыгажэнні са стужак.
