На адкрыцці з урачыстым словам выступілі старшыня Беларускага саюза мастакоў Глеб Анатольевіч Отчык; заслужаны дзеяч мастацтваў Рэспублікі Беларусь, мастацтвазнаўца Барыс Аляксеевіч Крэпак; дырэктар Музея гісторыі горада Мінска Галіна Пятроўна Ладзісава; удава Л.Д.Шчамялёва – Святлана Мікалаеўна Шчамялёва, а таксама генеральны дырэктар Нацыянальнага мастацкага музея Уладзімір Іванавіч Пракапцоў.
Прайшоўшы суровую школу жыцця, быўшы ўдзельнікам Вялікай Айчыннай вайны, Леанід Дзмітрыевіч Шчамялёў, як ніхто іншы, змог стварыць вытанчаную і разам з тым лірычную паэму аб жыцці чалавека ва ўсёй яго складанасці.
Мастак тварыў практычна ва ўсіх жанрах жывапісу: ад фігуратыўнай карціны да нацюрморта, ад лірычнага і эпічнага пейзажаў да кампазіцыйнага партрэта, шмат працаваў у графіцы.
Фота: Антон Сідараў
