З урачыстым словам на адкрыцці выступілі жывапісец, заслужаны дзеяч мастацтваў Рэспублікі Беларусь Васіль Кузьміч Касцючэнка; мастак Аляксандр Мікалаевіч Грышкевіч; мастак, заслужаны дзеяч мастацтваў Рэспублікі Беларусь Мікалай Апанасавіч Апіёк; дырэктар Гімназіі-каледжа мастацтваў г. Маладзечна Іна Георгіеўна Рушук; дырэктар Мінскага абласнога краязнаўчага музея Алена Анатольеўна Чарнецкая, а таксама генеральны дырэктар Нацыянальнага мастацкага музея Уладзімір Іванавіч Пракапцоў.
Асноўная тэма пейзажаў М. В. Аўчыннікава – гістарычныя мясціны Беларусі, помнікі культуры, архітэктуры і археалогіі. Яго пейзажы лірычныя і рамантычныя па настроі, пранікнёныя па вобразнай ідэі, стрыманыя і празрыстыя па каларыстыкі. Адчуваецца, што мастак глыбока неабыякавы да гістарычнай памяці свайго народа і ў сваіх творах імкнецца раскрыць перад гледачом тую непарыўную сувязь мінулага і сучаснасці, якую захоўвае культурная спадчына, перададзеная нам продкамі.
