Незвычайная гісторыя перамяшчэння афорта "Партрэт месіра П'ера Франсуа Картона сіньёра дэ Віяра" з даваеннага збору Дзяржаўнай карціннай галерэі БССР і яго доўгачаканае вяртанне ў Мастацкі музей на старонках газеты "Культура". Беларускі дзяржаўны музей гісторыі Вялікай Айчыннай вайны ўрачыста перадаў знойдзены шэдэўр у калекцыю Нацыянальнага мастацкага музея Рэспублікі Беларусь. Пра няпросты лёс гравюры і іншых твораў, страчаных падчас вайны, а таксама аб значнасці захавання і перадачы рэдкіх культурных каштоўнасцей распавялі ў артыкуле газеты "Культура".
Гравюра заняла ганаровае месца не толькі ў зборы Мастацкага музея, але і ў экспазіцыі выставы “Страты і вяртанні. Лёс мастацкіх каштоўнасцей Дзяржаўнай карціннай галерэі. 1939–1957”, прысвечанай вернутым шэдэўрам, якая ў цяперашні час праходзіць на першым паверсе галоўнага корпуса Мастацкага музея.
Запрашаем усіх убачыць каштоўную знаходку на свае вочы!
