Лекцыя прысвечана творчасці і жыццёваму шляху Ірэн Галіцынай - прадстаўніцы дваранскага роду Расійскай імперыі, якая стала каралевай італьянскай моды і адным з самых вядомых мадэльераў XX стагоддзя. Аўтар касцюмаў для Жаклін Кэнэдзі, Одры Хепбёрн, Сафі Ларэн, Маі Плісецкай, Элізабэт Тэйлар, Раісы Гарбачовай і інш.
Ірэн Галіцына зрабіла важкі ўнёсак у гісторыю сусветнай моды. На лекцыі вы даведаецеся пра знакамітую піжаму «palazzo» і першую калекцыю ў рускім стылі, пра мужа з сям'і Медычы і адносіны з Радзівіламі, пра вяртанне на гістарычную радзіму і першыя паказы ў СССР.
Лекцыю чытае Таццяна Фядосава - калекцыянер, якая прадаставіла для выставы “Мастацтва любіць жыццё. Дольчэ Віта" прадметы са свайго прыватнага збору "Прыгажосць і мода XIX–XXI стагоддзяў": жаночыя касцюмы розных эпох, знакавыя прыклады аксесуараў, парфумерыі, касметыкі сусветных і айчынных вытворцаў.
Мерапрыемства пройдзе ў галоўным корпусе музея (сяродкрыжжа, вул. Леніна, 20). Папярэдняя рэгістрацыя не патрабуецца. Наведаць лекцыю можна па ўваходным білеце ў музей.
