3 сакавіка а 17-й гадзіне ў Мастацкім музеі адбудзецца канцэрт у рамках выставы скульптуры і графікі Аляксандра Фінскага.
Вялікая колькасць работ майстра прысвечана музыцы, і жывое гучанне голасу ў выставачнай зале створыць асаблівую атмасферу адзінства гармоніі гуку і формы.
У канцэрце прагучаць вядомыя творы Баха, джазавае папуры на тэмы Моцарта, апрацоўкі народных песень, сучасная беларуская і замежная музыка ў выкананні Дзяржаўнага камернага хору Рэспублікі Беларусь пад кіраўніцтвам заслужанай артысткі Рэспублікі Беларусь Наталлі Міхайлавай.
У канцэрце бярэ ўдзел лаўрэат міжнародных конкурсаў піяніст Іван Фінскі.
Кошт білета на канцэрт складае 12 рублёў для дарослых (уключаючы
ўладальнікаў карты госця) і 6 рублёў для навучэнцаў і студэнтаў. Колькасць месцаў абмежавана.
Канцэрт пройдзе на 4-м паверсе выставачнага корпуса Мастацкага (К. Маркса, 24)
