Мастацкі музей адзначыў 69-годдзе з дня адкрыцця галоўнага корпуса. У белай зале сабраліся ўсе, чые сэрцы адданыя гэтаму месцу, – нашчадкі легендарных дырэктараў, цяперашнія і былыя супрацоўнікі, беларускія мастакі, партнёры музея і наведвальнікі.
“Галоўны корпус для гэтага і будаваўся, каб змясціць у сябе ўсё – і карцінную галерэю, і фондасховішча, і наведвальнікаў, але месца аказалася мала. І вось на працягу 69 гадоў мы будуем музейны квартал”, – сказала ва ўступнай прамове генеральны дырэктар Нацыянальнага мастацкага музея Рэспублікі Беларусь Ірына Мацяс.
Цэнтральная тэма святочнай падзеі – ушанаванне заслуг тых, хто прыклаў немалыя намаганні і заклаў асновы музея, у які мы ходзім сёння. “Дзякую вам за ўрок паважаць тых, хто ствараў музей, за павагу да дырэктараў музеяў”, – архітэктар, мастак, член праўлення Беларускага саюза архітэктараў, лаўрэат Дзяржаўнай прэміі Рэспублікі Беларусь, лаўрэат многіх прэстыжных конкурсаў і аглядаў архітэктурных работ Левіна Галіна Леанідаўна.
Мастацкі музей пабудаваў не толькі багатае мінулае, але і імкнецца да яшчэ большых дасягненняў у будучыні: “Мы будзем працягваць тую справу, якую яны (папярэднія дырэктары) пачалі”, – вядучы навуковы супрацоўнік Алена Дзмітрыеўна Шапашнікава.
