На пытанне пра параметры сваіх карцін Май Вольфавіч Данцыг адказваў коратка: “Крылы ёсць. Мастак павінен мець арліныя крылы!”. Што ж вылучае творы Мая Данцыга сярод шматлікіх карцін яго сучаснікаў? Чаму многія з іх з'яўляюцца актуальнымі і ў ХХІ стагоддзі? Чаму яго творы нярэдка былі адхіленыя ад экспанавання і выклікалі здзіўленне калег? За якія карціны Маю Данцыгу асабіста дзякавала міністр культуры СССР Кацярына Фурцава, а міністр абароны СССР Андрэй Грэчка ўручыў яму асаблівую ўзнагароду? За што Данцыга называлі “ўнукам газеты “Звязда”? Пра гэта і многае іншае вы зможаце даведацца на лекцыі “На крылах мая. Творчасць народнага мастака М.Данцыга”. Сяліцкая Наталля Леанідаўна – мастацтвазнаўца, вядучы навуковы супрацоўнік аддзела беларускага мастацтва ХХ–ХХI ст.
Месца правядзення: выставачны корпус (К.Маркса, 24), чацвёрты паверх, зала №4.
Зарэгістравацца на лекцыю можна па спасылцы: https://forms.gle/p3PuDvFEiQpq3AM5A
Рэгістрацыя абавязковая.
Кошт наведвання выставачнага корпуса з лекцыяй – 22 рублі. Для навучэнцаў і студэнтаў – 11 рублёў. Можна набыць абанемент на 4 лекцыі – 80 рублёў. Для навучэнцаў і студэнтаў – 40 рублёў.
