Папулярную лекцыю зноў можна паслухаць у Мастацкім!
23 кастрычніка (нядзеля) а 15-й гадзіне адбудзецца лекцыя “Чароўны Мінск Анатоля Тычыны. Ля вытокаў міфалагемы Мінска”.
Анатоль Тычына стварыў вобраз Мінска – ідэальнага “горада-Фенікса”, адроджанага з руін, новай сонечнай беларускай сталіцы. Гэтую выяву пасля інтэрпрэтавалі ў сваёй творчасці іншыя мастакі.
Тычына першы заўважыў прыгажосць Мінска 50-х, якая стала зараз яго архітэктурным брэндам.
Лекцыю чытае вядучы навуковы супрацоўнік Нацыянальнага мастацкага музея і куратар выставы “Чароўны Мінск. Анатоль Тычына” Надзея Усава.
Папярэдняя рэгістрацыя не патрабуецца.
Наведванне лекцыі па ўваходным білеце ў галоўны корпус музея (Леніна, 20).
