Падзяка ад Мардоўскага рэспубліканскага музея выяўленчых мастацтваў імя С. Д. Эрзі

Мардоўскі рэспубліканскі музей выяўленчых мастацтваў імя С. Д. Эрзі накіраваў падзяку Нацыянальнаму мастацкаму музею Рэспублікі Беларусь за дапамогу ў падрыхтоўцы і арганізацыі выставы “Беларускае сучаснае мастацтва графікі”.

Як адзначаецца ў падзячным лісце, магчымасць паказаць творы беларускіх майстроў гасцям і жыхарам Рэспублікі Мардовія – вялікі поспех і сапраўдны падарунак для аматараў мастацтва.

 Плённае супрацоўніцтва музеяў будзе развівацца ў рамках такіх паспяховых праектаў. 

Нагадаем, што праца выставы “Беларускае сучаснае мастацтва графікі” працягнецца да 11 снежня 2023 года. Экспазіцыю складаюць 60 твораў, выкананых у розных матэрыялах, тэхніках і стылях – ад буйнафарматных да работ камернага памеру. Літаграфіі, ксілаграфіі, лінагравюра, акварэлі, кампазіцыі пастэллю створаны мастакамі розных пакаленняў – ад мэтраў да нядаўніх выпускнікоў Беларускай дзяржаўнай акадэміі мастацтваў.