“Сяргей Ясенін – прыклад таго, як трэба любіць Радзіму” – Сяргей Бязрукаў.
Творы са збору Народнага музея Сяргея Ясеніна горада Варонежа сустрэлі беларускага гледача на выставе “Ясенін. Бясконцая легенда”!
З грандыёзным размахам у Мастацкім музеі адбылася ўрачыстая цырымонія адкрыцця выставачнага праекта, прымеркаванага да 130-годдзя з дня нараджэння аднаго з вялікіх рускіх паэтаў Сярэбранага стагоддзя.
На ўрачыстым мерапрыемстве прысутнічалі ганаровыя госці з Расіі і значныя прадстаўнікі сферы культуры Рэспублікі Беларусь.
Запрашаем у Мастацкі музей для знаёмства з рэдкімі экспанатамі, у тым ліку прадметамі з асабістай “Ясенінскай калекцыі” Народнага артыста Расійскай Федэрацыі Сяргея Бязрукава. Выстава працягнецца да 22 лютага.
