Аўтар ідэі і кіраўнік праекта – У. І. Пракапцоў, генеральны дырэктар Нацыянальнага мастацкага музея Рэспублікі Беларусь. Аўтары тэксту: У. І. Пракапцоў, Т. Я. Андрыевіч, Д. С. Ільініч, В. В. Пракошына. Навуковы кансультант М. М. Віннікава. У выданні выкарыстаны фатаграфіі з фондаў Нацыянальнага мастацкага музея Рэспублікі Беларусь (фатограф Д. М. Казлоў). Выпуск выдання ажыццёўлены па заказе і пры фінансавай падтрымцы Міністэрства інфармацыі Рэспублікі Беларусь.
Віншуем калектыў аўтараў, выдавецтва “Беларусь” і ААТ “Паліграфкамбінат імя Я. Коласа” з узнагародай і выказваем паздзяку за высокапрафесійную рэалізацыю гэтага ўнікальнага выдавецкага праекта.
Альбом “Народнае мастацтва Беларусі XVI–XXI стагоддзяў” знаёміць з асаблівасцямі традыцыйнага беларускага касцюма і рознымі відамі мастацкіх рамёстваў. Гэтыя творы дазваляюць сфарміраваць уяўленне аб своеасаблівасці традыцыйнай культуры беларускага народа і яго майстэрстве.
У альбоме ўпершыню прадстаўлена калекцыя прыкладнога народнага мастацтва Беларусі – посцілкі, ручнікі, касцюмы, кераміка, разьба, роспіс па дрэве, саломапляценне.
У выданні можна ўбачыць рэдкія творы, якія прадстаўляюць не толькі мастацкую каштоўнасць, але і даюць разуменне іх функцыянальнага прызначэння ў абрадах і традыцыях беларускага народа. Аўтары паказалі не толькі самыя архаічныя творы, але і іх далейшае стылістычнае развіццё і разнастайнасць.
Альбом можна набыць у нашай музейнай краме.
