Урачыстая прэзентацыя выставы "Барыс Кустодзіеў" у філіяле Віцебскага абласнога краязнаўчага музея - Мастацкім музеі

Праект сімвалічна прэзентаваны ў перыяд Дзён Саюзнай дзяржавы на Славянскім базары. Экспазіцыю прадстаўляюць творы са збору Нацыянальнага мастацкага музея Рэспублікі Беларусь, Віцебскага абласнога краязнаўчага музея, ілюстраваныя мастаком кнігі з фонду Нацыянальнай бібліятэкі Беларусі, фатаграфіі сямейнага альбома Кустодзіевых са збору Астраханскай дзяржаўнай карціннай галерэі імя П.М.Дагадзіна.

У святочным адкрыцці з уступным словам прыняла ўдзел генеральны дырэктар Нацыянальнага мастацкага музея Рэспублікі Беларусь Ганна Уладзіміраўна Конанава. Падарункам для гасцей стала аўтарская экскурсія куратара выставачнага праекта, вядучага навуковага супрацоўніка НММ РБ Алы Васілеўскай.