У арт-кафэ Мастацкага музея камерна размясцілася выстава “Вясёлка над Мінскам” юных мастакоў і іх настаўніка з Бабруйскай гарадской узорнай дзіцяча-юнацкай студыі выяўленчага мастацтва “Вясёлка”.
У экспазіцыі прадстаўлена 19 работ, сюжэты якіх былі навеяны творамі класікаў беларускай літаратуры, памятнымі падзеямі гісторыі, народнымі святамі, няўлоўнай прыгажосцю роднай зямлі.
Таксама на выставе можна ўбачыць работы розных гадоў кіраўніка студыі І. У. Моціна, які спалучае сваю творчую дзейнасць і педагагічную работу з дзецьмі і таленавітай моладдзю.
Выстава працягнецца да 27 чэрвеня 2023 года
