На выставе прадстаўлены разнастайныя партрэты: жанчыны арыстакраткі адлюстроўваюць ідэал прыгажосці таго часу — меланхалічныя, задуменныя, вытанчаныя (партрэт А.С. Шарамецевай мастака Стралкоўскага А.І., партрэт Сафіі Бухмеер невядомага мастака). Мужчыны арыстакраты – героі ці мудрыя мысліцелі (партрэт мастака П.П. Брукса, Кошалева Н.А., партрэт П.Ф. Жаўтухіна, Кіпрэнскага А.А.). Бедныя людзі – знясіленыя і змучаныя цяжкай працай (партрэт селяніна Крамскага І.М., партрэт жабрака Васняцова В.М.).
Выстава называецца "Погляд". На партрэтах ён розны ў кожнага героя. Які вывучае і ацэньвае, асуджае і разгублены, збянтэжаны і грэблівы, какетлівы і неспакушаваны.
Графічны партрэт больш набліжаны да гледача, пакідае яго сам-насам з выявай і партрэтуемым чалавекам, дазваляе пільней прыгледзецца ў яго аблічча, прасякнуцца яго душэўным станам.
Уваход на выставу па ўваходным білеце ў музей.
Выстава працягнецца да 15 мая 2024 года.
