18 снежня (нядзеля) а 14-й гадзіне адбудзецца інтэрактыўная праграма “Таямніцы Новага года”. Яна будзе праводзіцца для дзяцей 7-8 гадоў.
Удзельнікі праграмы пазнаёмяцца з традыцыямі святкавання Новага года і Калядаў, гісторыяй навагодняй ёлкі, а таксама даведаюцца, хто такі Дзед Мароз і ці заўсёды ён прыносіў падарункі.
Кожны маленькі ўдзельнік зможа зрабіць навагоднюю цацку сваімі рукамі з паперы і кардону.
Праграму правядзе Кацярына Шыцікава – малодшы навуковы супрацоўнік Мастацкага.
Рэгістрацыя абавязковая ў сувязі з абмежаваннем колькасці ўдзельнікаў.
Кошт: 8 рублёў
Працягласць: 60 хвілін
